ಬ್ರಹ್ಮಮುರಾರಿ ಸುರಾರ್ಚಿತ ಲಿಂಗಂ

ಬ್ರಹ್ಮಮುರಾರಿ ಸುರಾರ್ಚಿತ ಲಿಂಗಂ
ನಿರ್ಮಲಭಾಸಿತ ಶೋಭಿತ ಲಿಂಗಮ್ |
ಜನ್ಮಜ ದುಃಖ ವಿನಾಶಕ ಲಿಂಗಂ
ತತ್-ಪ್ರಣಮಾಮಿ ಸದಾಶಿವ ಲಿಂಗಮ್ || 1 ||

ಬ್ರಹ್ಮ , ವಿಷ್ಣು ಹಾಗೂ ದೇವಗಣಗಳಿಂದ ಯಾವಾಗಲೂ ಪೂಜಿಸಲ್ಪಡುವ , ಪರಮಪವಿತ್ರ ,
ನಿರ್ಮಲವಾಗಿರುವ ,ಎಲ್ಲಾ ಜೀವಿಗಳ ಮನೋಭಿಲಾಷೆಗಳನ್ನು ಪೂರೈಸುವ , ಜನ್ಮ ,
ಮೃತ್ಯುಗಳೆಂಬ ದುಃಖದಿಂದ ವಿಮೋಚನೆಗೊಳಿಸುವ ಯಾವಾಗಲೂ ಒಳ್ಳೆಯದನ್ನೇ ಮಾಡುವ
ಶಿವಲಿಂಗಕ್ಕೆ ನನ್ನ ನಮಸ್ಕಾರಗಳು.

ದೇವಮುನಿ ಪ್ರವರಾರ್ಚಿತ ಲಿಂಗಂ
ಕಾಮದಹನ ಕರುಣಾಕರ ಲಿಂಗಮ್ |
ರಾವಣ ದರ್ಪ ವಿನಾಶನ ಲಿಂಗಂ
ತತ್-ಪ್ರಣಮಾಮಿ ಸದಾಶಿವ ಲಿಂಗಮ್ || 2 ||

ಯಾವಾಗಲೂ ದೇವಗಣಗಳಿಂದ , ಮುನಿಗಳಿಂದ ಅರ್ಚಿಸಲ್ಪಡುವ , ಕಾಮವನ್ನು
(ವಿಷಯಾಸಕ್ತಿಗಳನ್ನು) ನಾಶಪಡಿಸುವ , ಕರುಣೆಯನ್ನು ಹೊಂದಿರುವ , ರಾವಣನ ಅಹಂಕಾರವನ್ನು
ನಾಶಪಡಿಸಿರುವ , ಸದಾಶಿವ ಲಿಂಗಕ್ಕೆ ನನ್ನ ನಮಸ್ಕಾರಗಳು.

ಸರ್ವ ಸುಗಂಧ ಸುಲೇಪಿತ ಲಿಂಗಂ
ಬುದ್ಧಿ ವಿವರ್ಧನ ಕಾರಣ ಲಿಂಗಮ್ |
ಸಿದ್ಧ ಸುರಾಸುರ ವಂದಿತ ಲಿಂಗಂ
ತತ್-ಪ್ರಣಮಾಮಿ ಸದಾಶಿವ ಲಿಂಗಮ್ || 3 ||

ಸರ್ವ ಸುಗಂಧದಿಂದ ಸುಲೇಪಿತವಾಗಿರುವ , ಬುದ್ಧಿ ಹಾಗೂ ಆತ್ಮಜ್ಞಾನವನ್ನು ವರ್ಧಿಸುವ ,
ಸಿದ್ಧಯೋಗಿಗಳಿಂದ , ದೇವತೆಗಳಿಂದ , ಅಸುರರಿಂದ ಯಾವಾಗಲೂ ವಂದಿಸಲ್ಪಡುವ
ಸದಾಶಿವಲಿಂಗಕ್ಕೆ ನನ್ನ ನಮಸ್ಕಾರಗಳು.

ಕನಕ ಮಹಾಮಣಿ ಭೂಷಿತ ಲಿಂಗಂ
ಫಣಿಪತಿ ವೇಷ್ಟಿತ ಶೋಭಿತ ಲಿಂಗಮ್ |
ದಕ್ಷ ಸುಯಜ್ಞ ವಿನಾಶನ ಲಿಂಗಂ
ತತ್-ಪ್ರಣಮಾಮಿ ಸದಾಶಿವ ಲಿಂಗಮ್ || 4 ||

ಕನಕ ಮಹಾಮಣಿಯಿಂದ ಅಲಂಕೃತವಾಗಿರುವ , ಹಾವುಗಳಿಂದ ಸುತ್ತುವರಿದಿರುವ , ದಕ್ಷನ
ಮಹಾಯಜ್ಞವನ್ನು ನಾಶಪಡಿಸಿರುವ ಸದಾಶಿವ ಲಿಂಗಕ್ಕೆ ನನ್ನ ನಮನಗಳು.

ಕುಂಕುಮ ಚಂದನ ಲೇಪಿತ ಲಿಂಗಂ
ಪಂಕಜ ಹಾರ ಸುಶೋಭಿತ ಲಿಂಗಮ್ |
ಸಂಚಿತ ಪಾಪ ವಿನಾಶನ ಲಿಂಗಂ
ತತ್-ಪ್ರಣಮಾಮಿ ಸದಾಶಿವ ಲಿಂಗಮ್ || 5 ||

ಕುಂಕುಮ ಹಾಗೂ ಚಂದನಗಳಿಂದ ಲೇಪಿತವಾಗಿರುವ , ಕಮಲದ ಹಾರದಿಂದ ಶೋಭಿಸುತ್ತಿರುವ ,
ಎಲ್ಲಾ ಪಾಪಗಳನ್ನೂ ನಾಶಪಡಿಸುವ ಸದಾಶಿವನ ಲಿಂಗಕ್ಕೆ ನನ್ನ ನಮನಗಳು.

ದೇವಗಣಾರ್ಚಿತ ಸೇವಿತ ಲಿಂಗಂ
ಭಾವೈ-ರ್ಭಕ್ತಿಭಿರೇವ ಚ ಲಿಂಗಮ್ |
ದಿನಕರ ಕೋಟಿ ಪ್ರಭಾಕರ ಲಿಂಗಂ
ತತ್-ಪ್ರಣಮಾಮಿ ಸದಾಶಿವ ಲಿಂಗಮ್ || 6 ||

ದೇವಗಣಗಳಿಂದ ಅರ್ಚಿಸಲ್ಪಡುತ್ತಿರುವ . ಭಕ್ತಿಭಾವದಿಂದ ಪರಿಪೂರ್ಣವಾಗಿ

ಪೂಜಿಸಲ್ಪಡುವ,

ಕೋಟಿ ಸೂರ್ಯರ ಪ್ರಭೆಗೆ ಸಮಾನವಾಗಿರುವ ಸದಾಶಿವನ ಲಿಂಗಕ್ಕೆ ನಾನು

ನಮಸ್ಕರಿಸುತ್ತೇನೆ.

ಅಷ್ಟದಲೋಪರಿವೇಷ್ಟಿತ ಲಿಂಗಂ
ಸರ್ವಸಮುದ್ಭವ ಕಾರಣ ಲಿಂಗಮ್ |
ಅಷ್ಟದರಿದ್ರ ವಿನಾಶನ ಲಿಂಗಂ
ತತ್-ಪ್ರಣಮಾಮಿ ಸದಾಶಿವ ಲಿಂಗಮ್ || 7 ||

ಅಷ್ಟದಳಗಳಿರುವ ಪುಷ್ಪಗಳಿಂದ ವಿರಾಜಿಸುತ್ತಿರುವ , ಪ್ರಪಂಚದ ಎಲ್ಲಾ ವಸ್ತುಗಳ
ಉತ್ಪತ್ತಿಗೆ ಕಾರಣವಾಗಿರುವ , ಅಷ್ಟ ದರಿದ್ರತೆಗಳನ್ನು ನಾಶಪಡಿಸುವ ಸದಾಶಿವನ
ಲಿಂಗಕ್ಕೆ ನನ್ನ ಪ್ರಣಾಮಗಳು.

ಸುರಗುರು ಸುರವರ ಪೂಜಿತ ಲಿಂಗಂ
ಸುರವನ ಪುಷ್ಪ ಸದಾರ್ಚಿತ ಲಿಂಗಮ್ |
ಪರಾತ್ಪರಂ ಪರಮಾತ್ಮಕ ಲಿಂಗಂ
ತತ್-ಪ್ರಣಮಾಮಿ ಸದಾಶಿವ ಲಿಂಗಮ್ || 8 ||

ಸುರಗುರುಗಳಿಂದ , ಸರ್ವಶ್ರೇಷ್ಟ ದೇವರುಗಳಿಂದ ಪೂಜಿಸಲ್ಪಡುವ , ಸುರವನದ ಪುಷ್ಪಗಳಿಂದ
ಅರ್ಚಿಸಲ್ಪಡುವ , ಆದಿ , ಅಂತ್ಯಗಳಿಲ್ಲದ ಪರಬ್ರಹ್ಮಸ್ವರೂಪಿ ಸದಾಶಿವನ ಲಿಂಗಕ್ಕೆ
ನನ್ನ ನಮಸ್ಕಾರಗಳು.

ಲಿಂಗಾಷ್ಟಕಮಿದಂ ಪುಣ್ಯಂ ಯಃ ಪಠೇಶ್ಶಿವ ಸನ್ನಿಧೌ |
ಶಿವಲೋಕಮವಾಪ್ನೋತಿ ಶಿವೇನ ಸಹ ಮೋದತೇ ||

ಶಿವಲಿಂಗದ ಸನ್ನಿಧಿಯಲ್ಲಿ ಯಾರು ಈ ಲಿಂಗಾಷ್ಟಕವನ್ನು ಭಕ್ತಿಯಿಂದ ಪಠಿಸುತ್ತಾರೋ ,
ಅವರು ಸಾಕ್ಷಾತ್ ಶಿವಲೋಕವನ್ನು ಸೇರುತ್ತಾರೆ..ಈಶ್ವರ ಅವರ ಮನೋಕಾಮನೆಗಳನ್ನು
ಈಡೇರಿಸುತ್ತಾನೆ.